ಅದ್ಭುತ ಪ್ರಕೃತಿ

ಅದ್ಭುತ ಪ್ರಕೃತಿ 

ಪ್ರಕೃತಿಯ ಕಾರಣದಿಂದ ಸುರಿಯುವ ಮಳೆಗೆ,

ಧರೆ ಮುಟ್ಟುವ ಪ್ರತಿಯೊಂದು ಹನಿಗೆ,

ಮರ-ಗಿಡ-ಭುವಿಯ ಅದ್ಭುತ ಸ್ಪಂದನ,

ಇದುವೇ ಪ್ರಕೃತಿಗೆ ಹೊಂದಿರುವವುಗಳ ಮಧ್ಯೆ ಇರುವ ಭಂದನ.

ಆಗಸದಿಂದ ಉದುರುವ ಪ್ರತಿ ಹನಿ ಮಳೆಗೂ,

ಮರದಲ್ಲಿ ಚಿಗುರುವ ಪ್ರತಿ ಎಳೆ ಎಳೆಗೂ,

ಇರುವಂತಹ  ಜನ್ಮ ಜನ್ಮದ ಭಂದನ,

ಇದುವೇ ಪ್ರಕೃತಿ ಸ್ಪಂದನದ ಚಂದನ .

ಧರೆಯ ಕಡೆ ಸಾಗುವ ಸೂರ್ಯ ರಶ್ಮಿಯು,

ಧರೆಯಲ್ಲಿ ತಲೆಯೆತ್ತಿ ನಿಂತ ಮರದ, ಕೆಲವು ..

ಚಿಗುರೆಲೆಗಳ ದಾಟಿ ನೆಲ ಮುಟ್ಟುವ ಅಂದವ ,

ಹೊಗಳಲು ಪದ ಸಾಲದೆನ್ನುವ ಅದ ನೋಡಿ ಸವಿದವ .

ನೀಲ ಮೇಘವ ಕೆಂಪಾಗಿಸಿ ಆ ಬೆಂಕಿಯ ಚೆಂಡು,

ಭುವಿಯಿಂದ ಕಣ್ಮರೆಯಾಗಲು ಸಿದ್ದವಾದಾಗ , ಹಕ್ಕಿಗಳ..

ಸವಿ ಗಾನದೊಂದಿಗೆ ತಂಗಾಳಿಯಿಂದ ಕೂಡಿದ ಸಂಜೆಯ ಸೊಬಗು.

ನೀಡುವುದು ಅಲ್ಲಿ ನೆರೆದಿರುವವರ ಮನಸ್ಸಿಗೆ ಸೊಗಸು.

ಗೀಚಿದ್ದು :-ರಂಜಿತಾ ಹೆಗ್ಡೆ .ಆರ್ 

         (೧೮/೦೪/೨೦೧೧)