ನೋವು

ನೋವು

ತನ್ನ ನೋವು ತನಗೇ ಅದು ಅರ್ಥವಾಗುವುದು. ನೋವು... ಅದನ್ನ ಹೋಲಿಸಲಾಗದು.

 ಜೀವನವೆಂಬ ಪಯಣದಲ್ಲಿ,

ತಮ್ಮವರಿಂದ ದೂರವಾದಲ್ಲಿ,

ಅನುಭವಿಸುವಂತಹ ನೋವು,

ಅನುಭವಿಸಿದವರಿಗೇ ಅದರ ಅರಿವು.

ಹಲವು ಸಮಯಗಳುರುಳಿದ ನಂತರ,

ತನ್ನವರನ್ನು ಸಿಕ್ಕಿ ಮತ್ತೆ ದೂರವಾಗುವಾಗ ,

ಆಕೆಯು ಮನದಲ್ಲಿ ಪಡುವ ವ್ಯಸನ,

ಉಂಟುಮಾಡುವುದು ಮನಸ್ಸಿನ ದಹನ .

ತನ್ನ ಜೀವನದ ಕೊನೆಗಾಲದಲ್ಲಿ,

ಇದ್ದೊರ್ವ ಮಗನನ್ನು ಕಳೆದುಕೊಂಡಲ್ಲಿ,

ಆ ತಾಯಿಯು ಪಡುವಂತಹ ಅಳಲು,

ಅದನ್ನು ಆಕೆಯೇ ಬಲ್ಲಳು .

ಭುವಿಯಲ್ಲಿ ಮಗುವಾಗಿ ಜನ್ಮ ತಾಳಿದಲ್ಲಿ,

ಹೆತ್ತವರ ಮೊಗವನ್ನೇ ನೋಡದಲ್ಲಿ,

ಆಕೆಯ ಜೀವನವೇ ಒಂದು ದುರಂತ,

ಆಕೆಗೇ ಗೊತ್ತು ಆ ನೂವೇನಂತ.

ಹೆಣ್ಣೆಂದು ತನ್ನವರಿಂದ ಶೋಷಿತಳಾದಲ್ಲಿ,

ಶೈಶವದಲ್ಲೇ ದುಃಖಅನುಭವಿತಳಾದಲ್ಲಿ,

ಅವಳು ಪಡುವಂತಹ ಆಂತರಿಕ ಶೋಕ,

ಅವಳಿಗೇ ತಿಳಿದಿಹುದು ಆಕೆಯ ದುಃಖ.

ಪ್ರಿಯ ಪ್ರಾಣಿಯ ದೇಹಾಂತ್ಯವಾದಲ್ಲಿ ,

ತನ್ನ ಕಂಬನಿಯು ಪರರಿಗೆ ಹಾಸ್ಯವಾದಲ್ಲಿ,

ಅವಳು ಪಡುವಂತಹ ವೈರಾಗ್ಯ,

ತರುವುದು ಅವಳಲ್ಲಿ ನೈಜ್ಯ ನೈಚ್ಯ .

                                                            - ರಂಜಿತಾ ಹೆಗ್ಡೆ.ಆರ್